طريقة الكشرى المصرى سهلة جدا وكل واحدة ونفسها فى الاكل عن نفسى هقولك بعمله ازاى
المكونات مكرونة صغيرة وارز وشعرية او مكرونة اسباجتى رفيعة وعدس بجبة مش الاصفر وصلصة طماطم وثوم ومعلقتين خل وليمون وبصل وحمص الشام لو حبيتى المقادير بحسب الكمية والافراد
اولا انا بقطع البصل شرائح واحمرها فى زيت سخن وكتير شوية وتخلى بالك عشان مايتحرقش بس يحمر ويقرمش وطلعية فى مصفة وتركنية على جنب
ثانيا بعمل الدقة وهى بفروم فاصين ثوم او اكتر حسب الكمية الى عايزاها وتجيبى طاسة فيها شوية زيت مش كتير على قد الثوم وقبل مايتحمر تحطى معلقتين الخل وربع كوب عصير ليمون علية وملح وكمون ولو عايزة شطة وكوب ماء وبمجرد مايغلى اطفى وبرضة اركنية شوية
ثالثا الصلصة تحمرى ثوم وتحطى فوقة صلصة الطماطم وملح وفلفل وكمون وتسيبة لما يستوى ويكون ماسك شوية مش اوى وتركنية
رابعا بعمل الارز بالشعرية العادى بتحمير الشعرية بعد كسرها لقطع صغيرة وبعدين الارز عليها والماء يكون فوق الارز بشوة بسيطة يكون مغطيهاولما يشرب الماء شوية وطى النار خالص وعلى ما الارز يستوى سخنى ماء لسلق المكرونةوبعد عمل المكرونة وتصيفها جيبى حله مناسبة او الى سلقتى فيها المكرونةوضيفى الارز والمكرونة والعدس بجبة بعد سلقة والحمص على بعض وقلبى
طريقة التقديم او الغرف سخنى الصلصة تانى وتغرفى المكونات الى خلطيها فى اطباق عميقة شوية وعلى وشة رشى البصل المحمر واغرفى الصلصة فى اطباق لوحده وكمان الدقة لوحدة والغرف منها حسب الى يحب يحط ياريت اكون قدرت افيدك وياريت تجربى الطبق ده عندنا اسبوعى خطير دى طريقتى