مشروع ملايات السرير المنقوشة

مشروع جميل جدا و للمبتدات و لربات البيوت و كل الفئات سهل جدا و بسيط

وليس موسمى

صناعة اطقم السرير المنقوشة

بتشترى اتواب من قماش ملايات السرير المنقوش

بالوان جميلة و جذابة للزبائن بالجملة

و خيوط ماكينة عادية بالجملة ايضا فقط هذا

و تبدئى دراسة احتياجات الزبائن اطقم للسرائر الكبية ولا للسراير الاطفال

بيختلف حجم الملاية و كيس المخدة

و هذا المشروع تقومين به بنفسك بمفردك لا يحتاج لايدى عاملة

يزداد البيع فى موسم عيد الام

و دخول فصل الصيف

فى اطقم نوعين طقم سرير ثلاث قطع ملاية و كيسين مخدة و طقم سرير خمس قطع ملاية و كيسن مخدة و كيسين خودادية

وممكن طقم سرير اقتصادى ملاية فقط او ملاية و كيس مخدة

و هذا يرجع الى متطلبات الزبائن

و شغلك كله تنيات و تقفيل جانبى كيس المخدة او الخودادية

جئنا لدور المقاسات طول الملاية معروف مترين و ربع اقصى حد نظرا لطول السرير مترين

اما عرض الملاية بيكون مترين او مترين و ربع للسرير الكبير و السرير الصغير عرض مترين الا ربع

المخدة و الخودادية خذى مقاسها من طقم سرير

مشروع بسيط جدا

التسويق

للاهل و الاقارب

للاصدقاء
عن طريق النت

للمحلات المتخصصة للمفروشات

ممكن لتجار الجملة فى حالة الانتاج الكبير

ملحوظة هامة قبل شراء الاقمشة

توجد ثلاث انواع من تيل الملايات

القطن اغلى نوع

قطن على بولى استر متوسط

بولى استر خالص نوع ردئ

يفضل النوع الاول و الثانى

اتاكدى من عرض القماش لان تيل الملايات عرضين العرض الكبير هو اللى بيغطى السرير و هو الافضا

اما الصغير ما ينفع لانه بيوصل الملاية

و ده غير محبب

فى خامات اخرى لعمل ملايات السرير

ممكن الستان او الموهير فى الشتاء فقط

ربنا يوفق الجميع

الفكرة جميلة وكمان تنفيزها سهل لاكن اكبر مشكلة هي البديل الصيني يعني(المفارش الصيني)ارخص بكتير من قيمة الخامات مع تمنياتي للجميع بالتوفيق مشروع ملايات السرير المنقوشة 999398

مشروع بسيط وسهل ..وممكن تنفيده
مشروع ملايات السرير المنقوشة 40436

اشكرك ولكن لى رجاء وهو عرض صور بعض التصميمات الجديده
حتى يتسع دائره افكارى

[b]مشكورة اختي على الموضوع الرائع و سبحان الله الفكرة دي طبقتها بقالي 3 ايام اشتريت قماش وخيطت ملايات عملت الطول 2 متر و 50 سم و المخدات 70 سم على 45 سم بس لسا ماعرفتش ازاي عملية التسويق و ان شاءالله ابقى احط صورتهم عشان تعطوني رايكم

ربنا معاكى ان شاء الله انا كمان عاملة المشروع ده بس مشكلتى انى مش عارفة اسوق لنفسى..و مش عارفة ايه الحل

مشروع جميل جدا يا ام الكتكاكيت بس لو مشى يبقى 100100
بس كنت عاوزه اقولك حاجه كان فيه واحده بتاخد كلف للملايات من عند بتاع الكلف يا ترى ممكن الملايه تبقى بالكلف اشيك
هى كانت بتاخد الكلف العاديه جدا اظن انك عارهاها الرفيعه اتمنى ان تفيدينا حبيبتى عن ذلك وكمان لازم تقوليلنا سعر الطقم يبدا من كام من فضلك و سعره كام فى السوق الثلاث قطع واخمس قطع

مشروع رااااااااائع جدا جزاك اللله خيرا
انا على فكرة كنت فكرت فيه لاكن تراجعت بسبب التسويق
ربنا يوفق الجميع
مشروع ملايات السرير المنقوشة 247397

انا بدات فعلا ام الكتكوت فى المشروع اعطاكى الله الصحه والعافيه وبعت اربع اطقم بس قالولى فى ملايات جاهزه ارخص من المفصل ايه رايك

مشروع جميل بس كنت عايزه اعرف اسعار كل نوع من القماش وكمان زى مقالت

شيرين سعر الطقم 3و 5 كام وارجوكى ردى عليه

انا بدأت المشروع ده من فترة لكنى فشلت في التسويق لان الجاهز ارخص وقالوا لي اشتري التوب من المنع نفسه تلاقي ربح افضل لكني كسلت حيث ان المصنع في بلد تانية وصعب اسافر علشان الأولاد

أنا كمان فكرت فى المشروع ده بس مشكلة التسويق ايضا المنتجات الصينية الرخيصة

المشروع جميل بس عاوزة اعرف انواع الماكينات المستخدمة فى تنفيذ المشروع وهل احتلج لما كينة خياطة وماكبنة سرفلة منفصلة ولا اجيب ماكينة تخيط وتسرفل فى نفس الوقت ياريت تردوا عليا فى اقرب وقت على الاميل وشكرا

عاوزة اعرف اماكن شراء الاقمشة الكويسة من مصر وان من الزقازيق وفين الصور المختلفة ارجو ارسالها لى على الاميل

فكرة حلوة كتير بس سؤالي هو ؟كيف امنقدر نحشي هادي الملايات بالصوف الحراري؟

فكره مشروع هااااااااايل
وانا والحمد لله باسعى فى عمل المشروع بس البحث جارى على ماكبه خياطه وسرفله واى حاجه تانيه-اما التسويق فهو سهل بالنسبه لى نظرا لوجود محل لبيع الملابس-والله الموفق للحميع

بست رائع

بس ياريت نشوف تصاميم مبتكره وجميله

عشان نصمم زيها

مشروع ممتاز وفكره رائعه

الفكرة جملة وانا بفكر فيها لو سمحتي يام الكتكوت عيزة اعرف كمية القماش وعدد الامتار لاى موديل او تصميم للمليات الي عيزة افصلها الله يكرمك مشروع ملايات السرير المنقوشة 34810

اشكرك على هذه الفكرة الرائعة وانا عملت فعلا المشروع ده لكنى فشلت بسبب التسويق لانى بعت عدد قليل جدا

موضوع: نداء استغاثة الأحد فبراير 20, 2011 5:03 pm

انا عندى 20 سنة وانا ابحث عن مشروع عمل جربت كل حاجة نعرفها
صنعت الحلوى رسمت على القماش والحرير امتهنت الخياطة عملت فى مكينة التريكو تطريز ولم اجد حلا لحياتى حتى اليوم هل من مرشد

السلام عليكم ربنا يوفقكن و ينور لكن طريقكم و يسهل عليكم اموركن والله المستعان مشروع ملايات السرير المنقوشة 105608

موضوع جميل جدا مشروع ملايات السرير المنقوشة 829726

أختي أم كتكوت أنا ما يطلعولي الصور مادا أفعل

بالتوفيقjavascript:emoticonp(':%D8%B3%D8%A8%D8%AA%20%D9%88%D8%B1%D8%AF:')

لا توجد الصور على العموم مشروع ملايات السرير المنقوشة 489189

المشروع جميل جدا انا جربته من حوالى سنتين وكانت المشكلة التسويق والمكسب الضعيف لان الصينى الجاهز ارخص مع انه مقاسه صغير عن مشروعى بس الناس تبحث عن الرخيص دون المقاس دة اول شئ الثانى موضوع الاقساط ضيعنى بما نى اعيش فى قرية والبيع كان للاقارب والمعارف كان اغلبيته بنظام الاقساط على العموم انتى مشكورة جدا على طرح الفكرة وانا هحاول مرة ثانية ان شاء الله دون اقساط الموضوع عاوز شوية صبر .

ممم يعنى المشكله دلوقتى فى تسويق وفى الخامات الرخيصه وفى المنتج الصينى
يا ترى ايه الحل
ممكن نجمع كذا بنت ونشارك

جزاك الله خيرا