عايزه ابدا مشروع كروشية

صباح الخير انا عضوه جديده معكن بعرف اعمل حاجات كتيرة كروشية وكنت عايزه استفيد من الهواية دى مديا كيف ابدا دلونى وشكرا

انتي ممكن تعملي مبدئيا فساتين للبنات الصغار
او تعملي طقم مثلا فستان معاه طاقية معاه كلاكيل
بيطلع شي حلو وحاولي تبيعيه او تاخذي راي حد بيقدر شغلك
ممكن اذا بدك تعملي مفارش طاولات
لانه في ناس بتحب مثل هذه الفنون
وعلى العموم ايا حبيتي تبتدئي فيه ابدئيه واحد ولأحد معين
وشغلك الحلو هو في ما بعد اللي يدل عليك
ويا رب أكون أفدتك

شكرا على اهتمامك وردك انا بشتغل حاجات كتيرة لبنتى والناس بتعجب بيها جدا هو ده اللى شجعنى اعمل المشروع ده بس انا عايزه زى دراسة جدوى ممكن ابدا براس مال اد اية ابدا اعمل ايه ممكن يمشى كويس كدة يعنى وشكرا

شوفي يا اختي هو أنا ما بعرف كتير عن دراسة جدوى
ولكن أنا برأيي تبدأي بأقل مبلغ ممكن وهذا الموضوع يعود لثمن المواد اللي هتستعمليها في مشروعك
وزي ما سبق وقلت لك انه ممكن تنفذي الفكرتين معا
ويكونو هم البداية وان شاءالله تكون بداية خير عليك
وأما تبدي في ايه الأول أنا برأيي انك تشوفي الناس اللي حواليك وممكن يشترو منك أو يساعدوك في بيعهم انه ايه اللي بيحبوه أكثر
وعلى العموم الموضوع ده عاوز جرأة ومغامرة لأنه لا أحد يستظيع معرفة نتائجه
وحساب الجدوى أنت اللي بتقرريها
ويا رب يجعل لك فيه الخير كله
مع تمنياتي لك بالتوفيق

شكرا ليك هابدا بسم الله

ربنا يوفقك

اول شئ بتبتدى تشوفى مكان التسويق للمحلات ولا للاهل و الجيران

هو الكروشيه مطلوب هذه الايام و اسعاره عالية جدا

لو للمحلات ممكن تبتدى محلات فساتين الاطفال او محلات الحريمى فى جواكت حريمى اسعارها عالية جدا من الكروشيه

و الخامات طبعا متوافرة فى الاسواق

و كمان انت بتحددى ده كله فى الكمية اللى تقدرى تنتجيها فى اد ايه وقت


ممكن كمان لو اتفقتى مع محلات بيع تعملى انتاج للموسم التالى

و تشوفى احدث الموديلات من على النت طبعا النت بيوفر ده كله

و ممكن كمان يكون النت مركز بيع ليكى


و ربنا يوفقك

مبدئيا ربنا يوفقك،ثانى شئ ان مجال الكروشيه واسع ما شاء الله ومحبب عند ناس كتير بس المهم ان يكون الشغل نظيف وان يكون عندك فن فى اختيار الالوان اما التسويق فالله المستعان ابدئى بالاهل والجيران والاصدقاء كما تفضلت الاخت ام الكتكوت جزاها الله خير وقالت لكى .....وربنا يوفقنا واياكى امين.

اتمنى لك التوفيق انشاء الله
هناك اتجاه اخر للاستفادة من هوايتك هناك مصانع للملابس الجاهزة تحتاج تخرج شغل ليها هاند ميد يعنى شغل يدوى وكتير منه كوروشيه وده مش محتاج رأس مال لان الخامات بتأخذيها من المصنع وبيحاسبك على شغلك وبالتوفيق

الله يوفقك و ان شاء الله ربي يساعدك في مشروعك
و توكلي على الله