الباترون الاساسى الحريمى الكورساج

أم ذر كتب:

اختي ام الكتكوت اشتغلت على الباترون البسيط وحاولت اشتغل على هالبترون لكني متخوفة منه بسبب بنست الصدر
حاولت تطبيقها كاتجريب النتيجة كانت يعني مرضية نوعاً ما لكن عندي اسئلة حول باترون الصدر فهو مشكلتي فقط .
س1/ اتساع بنسة الصدر العلوية حوالى 7 سم فهل عند تصريفها في مكان اخر تبقى نفس القيمة او لا اشكال إن قل الرقم الى 4سم فهذا ما حصل معي ؟
س2/بعد تصريف البنس العلوية الى بنس تحت الابط وقمت بقفل البنس العلوي وجدت الباترون غير مرتاح يعني مكلكع عند بؤرة الصدر فهل هذا امر طبيعي ؟
س3/ حردة الابط كيف اتحكم في اتساعها يعني مثلاً اريدها بطول 29سم كيف اتصرف في هذا الباترون ؟
س4/قمت بخياطة البنس اسفل الباط وبنس الوسط فكان شكلهما مشششششش سؤالي هل تلغى بنس الوسط عند عمل بنس اسفل الابط ؟
اسئلتي كثيرة ..لكنها ربما تبعد عني الخوف في خوض هذة الطريقة لعمل الباترونات

اقتباس :

اشتغلت على الباترون البسيط وحاولت اشتغل على هالبترون لكني متخوفة منه بسبب بنست الصدر

لا الباترون ده ممتاز و مضبوط جدا جدا المهم تكون فيه المقاسات مضبوطة من البداية

على فكرة كنت نزلت محاضرات فى رسم هذا الباترن من قبل

لكن الباترون صعب على البعض لكن بالنسبة لى احبه جدا لان القطعة بتخرج مضبوطة

و ان شاء الله هنزل شرح مفصل له

اقتباس :

اتساع بنسة الصدر العلوية حوالى 7 سم فهل عند تصريفها في مكان اخر تبقى نفس القيمة او لا اشكال إن قل الرقم الى 4سم فهذا ما حصل معي ؟

بالنسبة لاتساع البنسة بعد التصريف بيتغير شكلها فى قصات مختلفة مثل قصة البرنسيس

و القصات العرضية اللى بكشكشة و كسرات

وما بيكون شكلها يخوف زى ما انت بتقولى

لا بتكون شكلها جميل

وبعد الرسم ووضع الموديل اعملى بروفة للباترون على جسمك و شوفى ايه شكلها

اقتباس :

س2/بعد تصريف البنس العلوية الى بنس تحت الابط وقمت بقفل البنس العلوي وجدت الباترون غير مرتاح يعني مكلكع عند بؤرة الصدر فهل هذا امر طبيعي ؟

انت بتصرفى البنسة بعد وا تقفلى البنسة الاصلية و بتشقى على التصريف الجديد سواء كان قصة او بنسة

ده عايز شرح عملى لتشوفى بنفسك شكل الباترون

اقتباس :

س3/ حردة الابط كيف اتحكم في اتساعها يعني مثلاً اريدها بطول 29سم كيف اتصرف في هذا الباترون ؟

لا حردة الابط بيكون من رسم الباترون مش بترسميها بنفسك

لكن اذا عملتى قطعة مثل جاكيت بكولة بيكون الابط متسع شوية مو مزموم على الجسم بتنزلى على الخط الفاصل حوالى من 3سم الى 5سم و ده امر تقريبى

ثم بتنزلى بدوران الابط ليتمشى مع التوسيع الجديد

اقتباس :

قمت بخياطة البنس اسفل الباط وبنس الوسط فكان شكلهما مشششششش سؤالي هل تلغى بنس الوسط عند عمل بنس اسفل الابط ؟

لا لا تلغى انت بتغيرى فى مكان تصريف البنسة و ممكن تتحرك كمان بنسة الوسط او تتعمل بنستين فى حالى السيدات البدينات مثلا

و ده كله بيكون على حسب الموديل يعنى فى عباءة بدون بنسات ممكن تلغى البنسة اللى بالوسط

يعنى الموديل بيحددمعك اشياء كثيرة

و كمان حاجة تانى الموديل بيحدد معك بداية رسمك للباترون بمعنى العباءة بنزود على الدورانات من بداية الرسم لان العباءة فضفاضة اما الجاكيت الصيفى بنزود عليه 4سم فقط لراحة الحركة

اما قمصان النوم فعلى نفس الباترون لانها تلبس مباشرة

اما الجاكيت اللى بالبطانة بنزود من 6 الى 10سم على حسب سمك البطانة

ودى حاجات بتضعيها نصب اعينك قبل رسمك للباترون


اى سؤال تحت امرك