طلب من اخواتي المصريات.

بعد السلام .
اريد منكن فضلاً لا امراً طريقة الطعمية المصرية بالتفصيل المممل ,,كلما شاهدتها في فلم او مسلسل يسيل اللعاب ,واظنها تختلف عما نصنعه ...انتظركن .

أم ذر كتب:: بعد السلام .
اريد منكن فضلاً لا امراً طريقة الطعمية المصرية بالتفصيل المممل ,,كلما شاهدتها في فلم او مسلسل يسيل اللعاب ,واظنها تختلف عما نصنعه ...انتظركن .

طلب بسيط انا بعملها فى البيت باستمرار و بحفظها كمان فى الفريزر

و باخد منها كيس عند الطلب

واحد كيلو فول مدشوش اى فول بدون قشر ومتكسر ده بيباع بنفس الشكل او ممكن فول صحيح بس هيكون متعب شوية فى تقشيره

بصلتين كبيرتين

حزمة شبت و كسبرة خضرات و كرات ان وجد

راس ثوم صغيرة او ملعقة توم مطحون

و التوابل بقى ملح و كمون و كسبرة ناشفة

و ممكن شطة

فى حاجة اسمها كربونات او بيكربونات توضع للتسوية و لتكون هشة الطعمية

و ممكن توضعى بدل لها

بيكنج بودر

او ممكن بيض يجعلها هشة

يعنى زى ما تحبى او الميس لديك

الطريقة

تنقعى الفول الجاف المدشوش فى ماء كافى حتى يمكن فرمه

يصفى جيدا من الماء و يوضع فى الكبة

و يوضع البصل و هو مقطع

و يوضع الكسبرة الخضراء و الشبت المقطع

و الكرات ان وجد

و الثوم

و يفرم جيدا

ثم فى الكبة او بواسطة مفرمة

ثم توضع فى اكياس بالفريزر كل كيس به كمية حسب الطلب

و عند الاستخدام تخرج من الفريزر و فى داخل الثلاجة او خارجها حتى يفك الثلج منها

طبعا انت ملاحظة ان ماضفتش التوابل

لان عند وضع الطعمية فى الفريزر توضع التوابل عند التحمير

واذا عملتى كمية صغيرة

مقدار طلبك

تضعى الملح و التوابل عليها

و الكربونات ايضا او البيض عند التحمير

تشكل العجينة

مستديرات

او اصابع

و تحمر فى زيت ساخن

غزير

حتى تحمر

و تقدم مع السلطة الخضراء

وممكن طحينة

و ممكن فى ساندوتشات

جربيها

و قوليلى رايك

تحياتى

اه

بالهنا و الشفا مقدما

مرسي اوي اوي اوي ...أكيد رح اجربها باذن الله واقولك راي فيها
طلب من اخواتي المصريات. 40436

انا اموت فى الطعميه و خصوصا بالسلطه
يامممممممممممممممم

أم ذر كتب:: مرسي اوي اوي اوي ...أكيد رح اجربها باذن الله واقولك راي فيها

طلعة لذيذة والكل حبها ....فالشكر كل الشكر لكي يام الكتكوت

» ممن لوسمحتوا اخواتي...